Dënohet Rapidshare! Shoqata për Interpretimin Muzikor dhe e të Drejtave të Riprodhimit Mekanik, GEMA, e cila ngriti padi kundra kompanisë, i është drejtuar Gjykatës Vendore në Hamburg që të urdhërojë Rapidshare të ndalojë mundësimin në internet të rreth 5 000 këngëve. “Gjykimi konstaton se vetë shërbimi i strehimit është tashmë përgjegjës për të siguruar që asnjë nga këngët në fjalë të mos shpërndahen nëpërmjet platformës së tij në të ardhmen”, sipas një deklarimi të GEMA-s. “Kjo do të thotë se mbajtësi i së drejtës së autorit nuk kërkohet më të kryejë kontrollet pasuese dhe komplekse.” Si shtesë, gjykata vendosi se Rapidshare dhe faqet e tjera strehuese të skedarëve nuk kanë marrë mjaftueshëm masa për të ndaluar rrjedhjet e së drejtës së autorit që ndodhin nëpërmjet shërbimit të tyre. “Gjykimi… shënon një moment historik në përpjekjet e GEMA-s për të luftuar përdorimin ilegal të veprave muzikore në internet”, tha CEO i organizatës Harald Heker. “GEMA do të vazhdojë të bëjë зfarë të mundet për të mbrojtur anëtarët e saj nga pirateria e internetit. Ne jemi të sigurt se në këtë mënyrë ne do të jemi në gjendje të ulim përdorimin ilegal të repertorit të GEMA-s në internet në një nivel të papërfillshëm.”